‘8 na ang death toll ng COVID-19 cases; may nadagdag na 2’ – DOH

Kinumpirma ngayon ng Department of Health (DOH) na nadagdagan pa ng dalawa ang mga namatay mula sa 64 confirmed positive cases ng coronavirus disease (COVID-19) sa Pilipinas.

Dahil dito, walo na ang total mortality sa mga kaso ng tinaguriang pandemic virus.

Batay sa inilabas na anunsyo ng DOH, kinilala ng ahensya ang isa sa namatay na pasyenteng na-admit sa Our Lady of Mt. Carmel Medical Center sa San Fernando, Pampanga.

JUST IN: Umakyat na sa 8 ang bilang ng namatay mula sa COVID-19 cases sa bansa. Ayon sa DOH, kabilang sa namatay ang naiulat mula San Fernando, Pampanga kanina. | @BomboRadyoNews pic.twitter.com/Fq6STTeTb7

— Christian Yosores (@chrisyosores) March 14, 2020

Sa ngayon, patuloy na kinakalap ng Health department ang mga impormasyon kaugnay ng sanhi ng pagkamatay ng dalawa.

Nitong umaga nang ianunsyo rin ng DOH na namatay dahil sa severe pneumonia ang Case No. 40, na mula Lanao del Sur.

JUST IN: Pumanaw na rin ang COVID-19 case no. 40 dahil sa severe pneumonia. Batay sa data ng DOH, walang travel history o known exposure sa positive patient ang 54-year old na lalaki. | @BomboRadyoNews pic.twitter.com/VFq7epcTb2

— Christian Yosores (@chrisyosores) March 14, 2020

Dahil sa ipinatutupad na social distancing protocol, sa virtual press conference muna idadaan ng ahensya ang paglalabas ng updates kaugnay ng COVID-19 situation.