-- Advertisements --
Nagpositibo rin sa coronavirus si Houston Rockets guard Russel Westbrook.
Ito ang kinumpirma niya sa kaniyang social media post kasabay nang pag-amin na kasalukuyan na rin siyang naka-quarantine.
Kuwento nito, nakatakda na sana itong magtungo sa Orlando, Florida para sa pagsisimula na ng NBA practices subalit lumabas ang resulta ng test na nagpositibo ito.
Umaasa ito na makakasama niya ang koponan kapag matapos na niya ang quarantine period para sa July 30 restart ng games.
Nanawagan din ito sa mga fans na huwag balewalain ang mga ipinapatupad na health protocols gaya ng pagsusuot ng face mask para hindi na kumalat pa ang virus.
