Magtutungo sa Pilipinas si US Secretary of State Marcos Rubio sa susunod na linggo para dumalo sa mga serye ng pagpupulong ng Association of Southeast Asian Nations (ASEAN) foreign minister.
Ayon kay State Department spokesperson Tommy Pigott, limang araw mananatili sa Pilipinas si Rubio mula Hulyo 19 hanggang 23 para sa Asean Post-Ministerial Conference, East Asia Summit Foreign Ministers’ Meeting and the Asean Regional Forum Foreign Ministers’ Meeting.
Nakatakda ring makipagkita ang US top diplomat sa senior government officials mula sa Indo-Pacific countries.
Sinabi ng US State Department na layunin ng pagbisita ni Rubio na ipamalas ang mga nakamit na resulta ng kooperasyon ng US at ASEAN, at patibayin pa ang komprehensibong partnership ng Washington sa Pilipinas.
Binibigyang-diin din nito ang commitment ng Estados Unidos sa isang “malaya at bukas na Indo-Pacific region.”
Inaasahan namang dadalo sa pulong ang foreign ministers mula sa US, China, Japan, South Korea, Australia, Canada, Russia, European Union at United Kingdom.
Nakatakdang talakayin ang mga usapin sa regional security, geopolitical developments at economic cooperation.
