-- Advertisements --
Nagbabala ang mga organizer ng Trillion Peso March (TPM) na maaaring magkaroon ng ikatlong yugto ng protesta kung hindi mapapanagot ang mga “malalaking isda” sa umano’y korapsyon sa flood-control projects.
Ayon kay Kiko Aquino Dee, isa sa convenors ng grupo, ipagpapatuloy ang Part 3 ng TPM kahit nakakapagod, lalo kung walang mataas na opisyal na kakasuhan.
Ito ay kasunod na rin ng pangako ni Pangulong Ferdinand Marcos Jr. na ipapakulong ang mga sangkot bago mag-Pasko.
Sa ngayon, walang itinakdang petsa para sa posibleng ikatlong protesta, ngunit tiniyak ng mga organizer na magpapatuloy ang mga kilos-protesta kahit bago pa man magkaroon ng isa pang malaking pagpapakita ng lakas mula sa civil society groups.
