Dumalo ang ilang mga lokal na artista sa ginanap malawakang kilos protesta laban sa kurapsyon ngayong Nobyembre 30.
Pinangunahan ito ni Miss Universe 2018 Catriona Gray kung saan nanawagan ito sa Ombudsman na kasuhan ang mga opisyal ng gobyerno na sangkot sa anomalya ng flood control.
Habang isa sa mga host naman ng programa ng Trillion Peso March si Miss Earth Philippines 2025 Joy Barcoma kasama rin ang komedyanteng si Pokwang.
Nakilahok din sa kilos protesta ang aktor na si Elijah Canlas habang si Maris Racal ay sumama sa grupo ng Philippines-Palestine Friendship Association sa Luneta.
Sumampa rin sa stage para ilabas ang saloobin sa kurapsyon ang mga singers na sina Mitch Valdez at Celeste Legazpi.
Idinaan naman sa kanta ng ilang banda ang kanilang saloobin gaya ng bandang Ben&Ben, Maki at Morobeats.
