Inihayag ni Prosecutor General Richard Anthony Fadullon ng Department of Justice na pinag-aaralan na ng prosekusyon ang paghingi ng ‘precautionary hold departure order’ sa korte.
Kung mapag-alamang may banta na umalis papalabas ng bansa ang mga respondents, aniya’y may opsyon o basehan para sa paghingi ng naturang kautusan.
Kanya itong ibinahagi kasunod ng kumpirmahin ni Justice Secretary Remulla na naisyuhan na ng ‘immigration lookout bulletin order’ ang mga respondents sa reklamo ng ‘missing sabungeros case’.
Kabilang sa mga nabanggit ni Julie ‘Dondon’ Patidongan na sangkot sa kaso ay sina Charlie ‘Atong’ Ang at Gretchen Barretto.
Bagama’t itinuturong ‘mastermind’ ang negosyante, at nasasangkot ang aktres na si Barretto, maaalalang mariin na itong pinabulaanan ng mga nabanggit.
