Tiniyak ng National Food Authority (NFA) Bicol sa publiko na mayroon silang sapat na suplay ng bigas upang matugunan ang mga pangangailangan sa panahon ng kalamidad, kabilang na ang posibleng pag-aalburoto ng Bulkang Mayon.
Ito ay upang masiguro na walang magiging kakulangan sa bigas kung sakaling magkaroon ng pangangailangan ang mga apektadong komunidad.
Ayon kay Assistant Regional Manager Julie Llenaresas, ang NFA Bicol ay mayroong kasalukuyang imbentaryo na umaabot sa 104,237 sako ng bigas na nakaimbak sa kanilang mga bodega sa iba’t ibang bahagi ng rehiyon.
Bukod pa rito, mayroon din silang 764,870 sako ng palay na nakaimbak, na siyang kanilang paggagiling upang maging bigas.
Dagdag pa ni Llenaresas, inaasahan nilang madaragdagan pa ang kanilang suplay ng bigas dahil sa patuloy na isinasagawang paggiling ng palay.
Ang NFA Bicol ay aktibong nakikipag-ugnayan sa iba’t ibang relief agencies upang magkaroon ng koordinasyon sa pagtugon sa mga pangangailangan ng mga mamamayan.
Sila ay handa ring tumugon sa posibleng pagtaas ng demand para sa bigas, lalo na kung magkaroon ng mas malawakang epekto ang aktibidad ng Bulkang Mayon.
Plano ng NFA Bicol na maglabas ng karagdagang stocks ng palay para sa milling upang matiyak ang sapat na supply ng bigas.
