BUTUAN CITY – Malaking karangalan para sa Caraga Region ang pagkapanalo ng pambato nito sa Mr. Prime Universe-Philippines 2019.

Si Rambo Dañas, na kumatawan sa lalawigan ng Surigao del Norte para sa nasabing male pageant ay napiling Mr. Prime Philippines sunod sa nanalong Mr. Grand Philippines na taga-Ilocos Region.

Kinoronahan namang Mr. Tourism Globe ang representante ng Lubao, Pampanga habang Mr. Global International ang pambato ng lalawigan ng Iloilo.

Napili ring Mr. Icon World 2019 ang taga-Ormoc City; habang Mr. Men International ang taga-Mandaue City; 1st Runner Up si Mr. Zambales; 2nd Runner Up si Mr. Lapu-lapu; 3rd Runner Up si Mr. Binangonan at 4th Runner Up si Mr. Nueva Vizcaya.