ROXAS CITY – Arestado ang negosyante ng lechon manok sa isinagawang drug buy bust operation ng pinagsanib na pwersa ng Station Drug Enforcement Team ng Tapaz Municipal Police Station at Provincial Drug Enforcement Unit ng Capiz Police Provincial Office sa Barangay Poblacion, Tapaz Capiz.
Nakilala ang arestado kay Joan Glumalid 38-anyos ng nasabing lugar.
Sa panayam ng Bombo Radyo kay Police Captain Bryant Fallera, hepe ng Tapaz PNP, sinabi nito na nangyari ang transaksyon sa pwesto ng tinitindang lechon manok ni Glumalid.
Narekober sa drug suspek ang apat na sachet ng pinaniniwalaang shabu, P1,000 na marked money, isang cellphone at envelope.
Ayon kay Fallera na drug surrenderer ang nasabing negosyante ngunit na-monitor nilang bumalik ito sa pagtutulak ng droga, kaya isinagawa nila ang operasyon.
