Nagsalita na sa pamamagitan ng kaniyang social media account ang retiradong mahistrado ng korte na nagsabi ng salitang “forthwith” para sa kinakailangang tugon ng Senado para sa kaso ng impeachment.
Nabatid na si Justice Azcuna ang sumulat ng Article XI ng Constitution, na nagtatakda na ang “public office ay public trust” at ang mga opisyal ng gobyerno ay dapat managot sa taumbayan sa lahat ng oras.
Isinulat din niya ang section sa procedural na ginamit ang salitang “forthwith”, na nangangahulugang ang Senado ay dapat agad magsimula ng paglilitis matapos aprubahan ng Mababang Kapulungan ng Kongreso ang impeachment ng 1/3 o higit pang boto.
Ang salitang “forthwith” ay may kahulugan aniyang “agad-agad” sa opisyal na bersyon ng wikang pambansa at malinaw na naglalayong tiyakin ang mabilis at hindi makatarungang pagpapaliban ng impeachment trial.
“I also wrote the procedural Section including the word “forthwith” referring to the need for the Senate to proceed to trial after the House itself adopts by 1/3 or more votes a Resolution of Impeachment which thereby constitutes the Articles of Impeachment such that “trial by the Senate shall forthwith proceed,” and it is precisely meant to mean immediately and without unreasonable delay or in the National language official version “agad-agad,” wika ng returadong mahistrado.
Si Justice Azcuna ay may mahalagang papel sa paggawa ng mga probisyon sa Konstitusyon, partikular sa pagtatakda ng transparency, accountability at tamang proseso sa impeachment.
Binibigyang-diin ng kanyang sinulat na dapat magkaroon ng integridad at mabilis na aksyon sa impeachment trials, upang masigurong makakamit ang hustisya nang walang manipulasyon o pagkaantala.
Ang usapin ng agarang pag-usad ng impeachment laban kay Vice President Sara Duterte ay naging mainit na usapin dahil sa naging paninindigan ni Senate President Francis “Chiz” Escudero na kailangang unahin muna ang mga pending priority bills, bago ganap na aksyunan ang reklamong inihain ng mga kongresista.
