Tinanong ng legal counsel ni dating Pangulong Rodrigo Duterte ang International Criminal Court (ICC) prosecution kung plano rin nitong imbestigahan ang administrasyon ni Pangulong Ferdinand Marcos Jr., sabay giit na patuloy ang umano’y “vigilante killings” kahit natapos na ang termino ng dating Pangulo.
“There is no reason to believe that Duterte’s disappearance from the political scene would have frustrated the ongoing incidents of murder at the hands of state agents or vigilantes, saad ni Kaufman.
“Clearly I’m forced to ask myself whether anyone on the other side of this room has thought of investigating the Marcos regime and the related phenomenon and holding someone accountable,” dagdag pa ni Kaufman.
Ayon kay Kaufman, lumalabas sa report mula sa Dahas Project ng University of the Philippines na 160 mula sa 342 pagpatay ang naitala sa kamay ng state agents sa unang taon ng administrasyong Marcos.
Naitala aniya ang pagtaas mula 342 sa 362 killings mula Hulyo 2023 hanggang Hunyo 2024, kung saan nakasaad sa report na responsable ang state agents sa 34% ng mga pagpatay.
Kinuwestyon din ni Kaufman kung bakit hindi nananawagan ng pananagutan ang kaniyang “colleagues” sa prosekusyon para sa mga pagpatay na nangyari umano sa ilalim ng kasalukuyang administrasyon.
“Or is it of no consequence now that Mr. Duterte is sitting in the ICC detention center?,” tanong ng defense counsel.
