Asahan ang mahigpit na seguridad sa paghahain ng Certificate of Candidacy (COC) ngayong araw, Oktubre 1 hanggang Oktubre 8.
Ayon kay PNP chief Police General Guillermo Eleazar, mas maraming pulis at augmentation units kabilang na ang intelligence personnel ang naka-deploy upang mapigilan ang anumang banta.
Ilan sa critical scenarios na pinaghandaan ng pulisya sa kanilang simulation exercises (SIMEX) kahapon ay ang shooting incident, assassination attacks, bomb threat, fire incident, pagdagsa ng mga tagasuporta ng mga pulitiko, ambush, sunog at iba pa.
Maliban sa mga pulis, nakabantay din ang Armed Forces of the Philippines (AFP), Bureau of Fire Protection (BFP), Commission on Elections (Comelec) concerned local government units, at disaster personnel.
Una nang pinatutukan sa mga pulis ang mga lugar na may matinding political rivalry at election-related violent incidents.
Pinaghahanda na rin ni Eleazar ang Special Action Force (SAF) para sa posibleng deployment sa mga lugar na tinaguriang elections areas of concern.
Siniguro ni PNP chief na paiigtingin nila ang kanilang efforts para lahat ng mga banta ay kanilang namonitor at mapigilan.
Gagamitin na rin ng PNP ang kanilang mga body worn cameras para magkaroon ng real time monitoring mula sa PNP Command Center sa Camp Crame at sa ibat ibang regional police offices sa buong bansa.
Nakalatag na rin ang seguridad sa may bahagi ng Sofitel hotel kung saan gagawin ang walong araw na filing of certificate of candidacy.
