-- Advertisements --

Nakatakda nang magtapos ang NBA regular season sa May 16.

Pero sa kabila nito, hindi pa rin malinaw kung sino ang makakakuha ng No. 1 seed o top spot sa Eastern Conference at Western Conference.

Sa ngayon sa Eastern Conference nag-aagawan pa rin ang Philadelphia 76ers (44-21), Brooklyn Nets (43-22) at Milwaukee Bucks (40-24).

wizards suns NBA

Habang sa Western Conference nag-aagawan sa No. 1 spot ang Phoenix Suns (46-18) at ang Utah Jazz (47-18).

Kahapon ay angat ang Suns pero nitong araw nabawi na naman ito ng Jazz nang manalo sa Spurs.

Samantala, kabilang din sa inaabangan ay ang sitwasyon ng NBA defending champion na Los Angeles Lakers (37-28).

maging ang ilang players ay kabado rin na hindi makahabol sa playoffs sa top six teams at sa halip ay mapunta sila sa tinatawag na “play-in tournament.”

Ang ibig sabihin ng play-in tournament, ang number 7 teams hanggang number 10 ay maglalaban laban pa kung sino ang papasok na dalawang huling teams para makompleto ang walong playoffs teams.

Sa huling dalawang linggo ay malalaman din kung mananatili sa kanilang playoff spots ang Washington Wizards (30-35), Golden State Warriors (33-32), San Antonio Spurs (31-33) at New York Knicks (37-28).