-- Advertisements --

Natuldukan na rin ng Los Angeles Lakers ang tatlo nitong sunod-sunod na talo nang tuluyang madispatsa ang Orlando Magic, 114-103.

Ginamit ng Lakers ang rally sa huling quarter upang iposte ang kanilang ika-36 na panalo ngayong season.

Sumandal ang Lakers kina Dennis Schroder na nagbuslo ng 13 points mula sa kabuuang 21 points sa fourth quarter at si Anthony Davis na nagdagdag ng 18 points at eight rebounds upang matigil na rin ang kanilang kamalasan.

Kinailangan din ni Schroder na magdoble kayod kung saan meron siyang 10 assists, upang pansamantalang punan ang hindi pa rin paglalaro ni LeBron James dahil sa injury.

Samantala, ang Magic ay kabilang ngayon sa mga teams na nangungulelat na merong record na 18-43.