CAUAYAN CITY- Nadakip sa Dupax Del Norte, Nueva Vizcaya ang 20 anyos na laborer dahil sa nakabinbin na kasong rape.
Ang akusado na si Ronald Bandayrel, residente ng Malasin, Dupax Del Norte, Nueva Vizcaya.
Batay sa ulat ng mga awtoridad, inaresto ng mga kasapi ng Dupax Del Norte Police Station si Bandayrel sa bisa ng warrant of arrest na inilabas ni Judge Cicero Jandoc ng RTC Branch 29, Bayombong sa kasong 5 counts of rape.
Sa naging panayam ng Bombo Radyo Cauayan kay PMSgt. Dionee Palma ng Dupax Del Norte Police Station, sinabi niya na nagtago ng mahigit 2 taon sa Lalawigan ng Cagayan ang akusado nang malaman na lumabas na ang kanyang warrant of arrest .
11 anyos pa lamang noon ang biktima na pinsan ng dating kasintahan ng akusado.
Maaring ginantihan ng akusado ang kanyang dating kasintahan sa pamamagitan ng panggagahasa sa biktima dahil sa hindi umano nito matanggap ang kanilang paghihiwalay.
