ABRA GOV JOY BERNOS4
-- Advertisements --

VIGAN CITY – Kinumpirma ni Abra Governor Joy Bernos na nagpositibo ito sa COVID-19.

Sa isang pahayag, sinabi ni Bernos na matapos umano niyang mag-quarantine noong Marso 5 ay sumailalim naman ito sa mandatory RT-PCR test at sa kaparehong araw ay negatibo ang naging resulta.

Dahil umano hikain ang gobernador ay regular itong nakararanas ng pag-ubo at pagbahing sa umaga kaya hindi na masyadong ikinagulat na pati ito ay apektado sa virus.

Kahapon ay nag-self test rapid antigen test ang gobernador at lumabas na positibo ang resulta kung kaya’t nagpa-RT-PCR test ito upang kumpirmahin.

Ngayong Marso 13 ay ibinunyag na siya ay positibo sa virus.

-- Advertisement --

Hiniling naman ng gobernador sa mga naging close contact nito na magtungo sa Rural Health Unit sa kanilang mga lugar upang sumailalim sa testing at mag-isolate.