Pinataob ng Team Georgia ang defending champion na Spain sa nagpapatuloy na EuroBasket 2025.
Ibinulsa ng Georgia ang 14-point lead sa pagtatapos ng laban, 83-69, sa pangunguna ni Toronto Raptors forward Sandro Mamukelashvili.
Gumawa si Mamukelashvili ng all-around performance: 19 points, 7 rebounds, at anim na assists. Nagdagdag naman ng 12 points ang shooter na si Kamar Baldwin, kasama ang isang 3-pointer, ilang segundo bago matapos ang 4th quarter.
Sa tindi ng depensa ng Georgia, hindi nakapalag ang Spain lalo na sa paint area.
Kumamada kasi ang Georgia ng kabuuang 46 rebounds habang tanging 29 lamang ang naisagot ng Spain.
Maging sa free throw line ay below-50% ang nairehistro ng koponan kung saan sa 13 free throws na iginawad sa koponan, anim lamang ang nagawa nitong ipasok.
Para sa Spain, nanguna ang dating NBA player na si Juancho Hernangómez na nagbulsa ng 13 points.
Kasunod ng panalo, hawak na ng Georgia ang 1-1 win-loss record habang wala pang naipapanalong laban ang defending champion at tangan ang isang pagkatalo.
