ILOILO CITY – Hinatulan ng pagkabilanggo ng Sandiganbayan si dating Iloilo Provinciall Administator Manuel Mejorada.
Ito’y matapos napatunayan na guilty sa kasong graft dahil sa pagbili sa overpriced na laptop noong administrasyon ni dating Iloilo Governor Neil Tupas Sr.
Sa inilabas na desisyon ng anti graft court, anim hanggang walong taong pagkakakulong ang hatol kay Mejorada at sa dating head ng General Services Office na si Ramie Salcedo na guilty rin sa kaso.
Maliban dito, habambuhay na disqualified ang mga ito na umupo sa public office.
Samantala,in-acquit naman ng korte sina Dr. Patricia Grace S. Trabado (Provincial Health Officer), Edgar Paghari-on Piansay Sr. (Computer Maintenance Technologist II) at Danny Deocampo Baldemor (Administrative Officer III) na isinangkot din sa kaso.
Napag-alaman na nasa P99,000 ang request para sa nasabing laptop, ngunit nasa P59,000 lang ang totoong halaga nito.
Si Mejorada ay dating whistle blower kung saan humarap ito sa Senado upang idiin si Senate Minority Leader Franklin Drilon sa diumano’y overpriced na Iloilo Convention Center.
