-- Advertisements --
Inaasahan na aangat pa lalo ang Women’s Tennis Association (WTA) ranking ni Pinay tennis star Alex Eala kapag tuloy-tuloy ang tagumpay nito sa WTA250 Sao Paulo Open sa Brazil.
Matapos kasi ang pag-kampeon nito sa WTA125 Guadalajara Open sa Mexico ay nag-improve ito sa ranked 61 mula sa dating ranked 75.
Unang makakaharap niya sa Sao Paulo Open si WTA No. 380 Yasmine Mansour ng France.
Matapos ang laban nito sa Brazil ay may ilang torneo pang lalahukan si Eala na malapit sa Asya bago ang pagrepresenta niya ng bansa sa 33rd Southeast Asian Games sa Thailand na gaganapin sa Disyembre.
