-- Advertisements --
Naglabas na ang Department of Justice (DOJ) ng Immigration Lookout Bulletin Order (ILBO) laban kay suspended Bureau of Corrections (BuCor) chief Gerald Bantag at dating deputy security officer Ricardo Zulueta.
May kinalaman ito sa pagpatay sa broadcaster na si Percy Lapid at middleman Cristito Villamor Palaña o Jun Villamor.
Nakasaad sa order na mayroong malaking posibilidad na ang dalawa ay tumakas dahil sa bigat ng reklamo sa kanila.
Ang nasabing lookout bulletin aniya ay para sa monitoring purpose lamang.
Paglilinaw naman ni DOJ spokesperson Jose Dominic Clavano IV na ang ILBO ay itinuturing nila bilang isang “precautionary measure”.
