Sumirit pa sa 360,775 ang total ng coronavirus cases sa Pilipinas, ayon sa Department of Health (DOH).
Batay sa case bulletin ng ahensya, 1,640 ang nadagdag sa COVID-19 tally.
“15 labs were not able to submit their data to the COVID-19 Data Repository System (CDRS) on October 19, 2020.”
Noong October 14 nang huling makapagtala ang DOH ng mas mababa sa 2,000 na mga bagong kaso ng sakit, na umabot sa 1,905.
Pinakamaraming newly-announced cases ang galing sa Cavite at Quezon City na nasa 86. Sinundan ng Batangas, Bulacan at Maynila.
Ayon sa DOH, 91% ng mga bagong kaso ng COVID-19 ang nag-positibo sa nakalipas na 14 na araw.
“Of the 1,640 reported cases today, 1,487 (91%) occurred within the recent 14 days (October 7 – October 20, 2020). The top regions with cases in the recent two weeks were NCR (366 or 25%), Region 4A (264 or 18%) and Region 10 (124 or 8%).”
Samantala, ang mga active cases nasa 43,443. Nadagdagan naman ng 369 ang total recoveries na ngayon ay nasa 310,642 na. Habang 17 ang additional sa death toll na pumapalo na sa 6,690.
“Of the 17 deaths, 11 occurred in October (65%), 5 in September (29%) and 1 in April (6%). Deaths were from Region 9 (5 or 29%), NCR (5 or 29%), Region 3 (2 or 12%), CAR (2 or 12%), Region 1 (1 or 6%), Region 11 (1 or 6%), and Region 12 (1 or 6%).”
Nagtanggal daw ng 34 na duplicates ang DOH sa total case count, kung saan 26 ang mula sa recoveries at dalawa sa death cases.
“Moreover, 4 cases previously tagged as recovered were reclassified as deaths.”
