Niyanig ng magnitude 5.2 na lindol ngayong araw ang Davao del Norte ayon sa Philippine Institute of Volcanology and Seismology .
Batay sa datos, nangyari ang pagyanig bandang alas 11:41 ng umaga ngayong araw.
Natukoy ang epicenter ng lindol sa layong 4 kilometers southeast bayan ng Santo Tomas.
Naramdaman naman ang Intensity III sa San Fernando, Bukidnon; Magpet at Kidapawan City, Cotabato; at Gingoog, Misamis Oriental.
Habang Intensity I ang naitala sa Kalilangan, Libona, at Malitbog sa lalawigan ng Bukidnon; Magsaysay at Davao City sa Davao del Sur; at Balingasag at Initao sa Misamis Oriental.
Ayon sa Philippine Institute of Volcanology and Seismology , tectonic ang pinagmulan ng pagyanig.
Wala namang naitalang malaking pinsala ang lindol ngunit asahan na ang aftershocks.
