Naibenta sa halagang $206,000 o mahigit P10 milyon ang 14k gold and diamond ring na niregalo ni Kobe Bryant sa kaniyang ina.
Ayon sa Goldin Auctions, nagpagawa ng sariling blinged-out rings ang namayapang Los Angeles Lakers star at iginaya sa NBA championship rings ng koponan noong 1999-2000 season.
Bago pa man pumanaw ang NBA star ay pinayagan ang inang si Pamela Bryant na magbenta ng anim na Kob memorabilia at ito ay kinabibilangan ng singsing noong 2013 sa isang private collector na isang Lakers fan sa kabuuang $280-K.
Nagsimula ang bidding sa nasabing singsing ng $15,000 at matapos ang 20 total bids ay umabot ito ng $206k.
Inaasahan naman na tataas din ang presyo ng singsing na ibinigay ni Bryant sa kaniyang ama na si Joe “Jellybean” Bryant.
Magugunitang noong Enero ay pumanaw ang NBA star matapos bumagsak ang sinasakyang helicopter kasama ang anak na si Gianna at pitong iba pa.
