Dumami pa ang mga namataang bitak sa paligid ng Taal volcano dahil sa tuloy-tuloy na volcanic activity.
Ayon kay Maria Antonia Bornas, chief science research specialist ng Phivolcs, mayroon nang fissures sa halos 20 lugar.
Kabilang na rito ang nakita sa Sinisian, Mahabang Dahilig, Dayapan, Palanas, Sangalang, Poblacion, Lemery; Pansipit, Agoncillo; Poblacion 1, Poblacion 2, Poblacion 3, Poblacion 5, Talisay at Poblacion, San Nicolas at maging sa kalsadang nagkokonekta sa Agoncillo patungong Laurel, Batangas.
Maliban dito nakapagtala rin ng halos 50 volcanic quake mula kaninang madaling, kung saan pito sa mga ito ang naramdaman at may lakas na hanggang intensity IV.
Nagkaroon din ng paglabas ng lava, usok at abo sa bunganga at maging sa gilid ng Taal.
Muli pang iginiit ni Bornas na walang basehan ang pagbalik ng ilang residente dahil sa ilang oras na pagkalma ng bulkan.
Sa kasalukuyan, nasa alert lever 4 ang Taal at hindi pinapayagan ang pananatili ng mga residente sa loob ng extended danger zone.
“Alert Level 4 still remains in effect over Taal Volcano. This means that hazardous explosive eruption is possible within hours to days. DOST-PHIVOLCS strongly reiterates total evacuation of Taal Volcano Island and areas at high risk to pyroclastic density currents and volcanic tsunami within a 14-kilometer radius from Taal Main Crater. Areas around Taal Volcano are advised to guard against the effects of heavy and prolonged ashfall. Civil aviation authorities must advise the aviation industry to avoid the airspace around Taal Volcano as airborne ash and ballistic fragments from the eruption column pose hazards to aircraft. DOST-PHIVOLCS is continually monitoring the eruption and will update all stakeholders of further developments,” saad ng abiso mula sa Phivolcs.
