Inatasan ng Airbus ang agarang pag-aayos sa ilang bahagi ng kanilang A320 aircraft matapos matuklasan ang teknikal na isyu.
Dahil dito, ilang eroplano ng local airline companies ang pansamantalang inalis sa operasyon upang masiguro ang kaligtasan ng mga pasahero.
Nagbabala ang mga airline na maaaring magkaroon ng pagkaantala at kanselasyon ng mga biyahe sa mga darating na araw.
Apektado ang ilang domestic at international flights, lalo na ngayong papalapit ang holiday season.
Nabatid na 11,000 A320 aircraft ang nag-o-operate worldwide at ang kalahati nito ay apektado ng direktiba.
Tiniyak naman ng Airbus na ang “fix” ay bahagi ng kanilang standard safety measure at hindi magdudulot ng pangmatagalang problema.
Pinayuhan ang mga pasahero na mag-check ng flight status bago bumiyahe at makipag-ugnayan sa customer service para sa rebooking.
Sa kabila ng abala, iginiit ng mga airline na ginagawa nila ang lahat ng paraan upang minimize ang epekto sa publiko.
