Sang-ayon si PNP OIC chief Lt. Gen. Archie Gamboa sa pahayag ng Philippine Drug Enforcement Agency (PDEA) na pagkalooban ng listahan ng high value target (HVT) si Vice President Leni Robredo.
Ito ay kasunod na rin ng kagustuhan ni Rodredo na sya ring co-chair ng Inter-agency committe on anti-illegal drugs (ICAD) na magkaroon ng HVT list para mas mas maging transparent ang giyera kontra iligal na droga ng pamahalaan.
Ayon kay Gamboa na naniniwala siyang alam ni PDEA Director General Aaron Aquino ang ginagawa nya at nirerespeto nya ang anumang desisyon nito dahil siya ang head ng law enforcement cluster sa ICAD.
Una nang ipinaliwanag ni Aquino na kung ipapakita man niya ang listahan sa team ni Robredo, ito ay dapat sa closed door meeting sa presensiya ng personnel at may security clearance, dahil ito ay ikinokonsiderang classified information.
Sinabi niya rin na dapat ay alam ng law enforcement ang mga regulasyon kaya hindi ito basta-basta ipinagkakaloob sa sinuman.
“Ito na nga yung sinasabi ko hindi ba. When you say a co-chairpersonship in ICAD, remember it’s a collegial body and it’s supposed to be policymaking.You are supposed to review, fine If you want to review the law enforcement campaign but would it really matter if you know who are on the list. Ako I am already suggesting nga na anyway the entire ICAD is composed of 4 different sub-committees or 4 different thrusts. Why would VP not take the advocacy and the rehabilitation. Pasok yung sinasabi nya that the illegal drugs is actually a health problem so probably that can fall on advocacy and rehabilitation but law enforcement and prosecution or on the justice could be best left to those who know it which is the PNP, PDEA, NBI for law enforcement and the DOJ for justice,” wika ni Lt.Gen. Gamboa.
