-- Advertisements --
Nagbabala si US President Donald Trump na tatargetin ng Estados Unidos ang mga planta ng kuryente at tulay sa Iran bukas, Martes kung hindi bubuksan ang Strait of Hormuz.
Sa isang online post, sinabi ni Trump na magiging sabay na pag-atake ito sa mahahalagang imprastraktura ng Iran.
Iginiit niya na nananatiling sarado ang naturang daanan matapos ang mahigit isang buwang tensyon at mga pag-atake ng US at Israel.
Nagbabala rin ang US President na haharap sa mabigat na kaparusahan ang Iran kung hindi ito kikilos.
Samantala, inanunsyo ni Trump na magsasagawa siya ng press conference ngayong Lunes matapos masagip ng US military ang dalawang piloto ng bumagsak na eroplano sa Iran.
