TNT pasok na sa finals ng PBA Philippine Cup matapos talunin ang Hotshots 87-74

Pasok na sa finals ng PBA Philippine Cup ang TNT Tropang Giga matapos ilampaso ang Magnolia Hotshots 87-74 sa Game 6 ng semifinals.

Pinangunahan ni Jayson Castro ang TNT na nagtala ng 26 points habang mayroong 14 points si RR Pogoy.

Pinilit ng Hotshots na huwag bumitaw ng laro subalit hindi na pinabayaan ng TNT na makahabol pa sila.

Nasayang naman ang nagawang 16 points nina Ian Sangalang at Calvin Abueva.
Hihintayin na lamang ng TNT ang sinumang manalo sa pagitan ng Meralco Bolts at San Miguel Beermen.