Tiniyak ni House Committee on Appropriations, chairperson Rep. Mikaela Suansing na ang unprogrammed appropriations (UA) sa proposed P6.793-trilyong pambansang badyet ay hindi gagamitin para sa mga flood control projects.
Ayon kay Suansing, “Wala nang pwedeng flood control projects, kalsada, o tulay na gagamitin mula sa Strengthen Assistance for Social Programs (SASP).”
Ang SASP, na may alokasyon na P45 bilyon, ay bahagi ng 11 layunin ng UA na nakasaad sa 2026 General Appropriations Bill (GAB). Ito ay nilikha upang suportahan ang mga programa ng gobyerno.
Nilinaw ni Suansing na ang UA na nagkakahalaga ng P243.2 bilyon ang naging pangunahing dahilan kung bakit 12 kongresista ang tumutol sa ikatlong pagbasa ng 2026 GAB noong Oktubre 13, ngunit ito ay naaprubahan na sa huli sa boto na 287 pabor.
Paliwanag ni Suansing na ang UA ay mga “stand-by appropriations” na aprubado ng Kongreso sa GAA ngunit hindi pa aktibong pondo; ang aktwal na paggamit ay depende sa ipon ng gobyerno o pautang.
Itinanggi din ni Suansing na ang ulat na ang UA ay lump sum funds, dahil may mga nakasaad na linya ng programa at layunin sa ilalim ng UA.
Dagdag pa ni Suansing, ang UA para sa 2026 GAB ay mas mababa ng P120.2 bilyon kumpara sa UA ng 2025 GAA o kasalukuyang badyet.
