-- Advertisements --
GENERAL SANTOS CITY – Nasawi ang isang lalake na umanoy sangkot sa robbery incident makaraang manlaban sa mga otoridad na nagkasa ng buy-bust operation dito sa lungsod.
Ayon kay PMajor Richard Ybanez, hepe ng Tambler Police Station, ang suspek na si Melvin Alsagan alias Dodong, residente ng Purok Quilantang Barangay Calumpang, GenSan ay maraming rekord sa mga police station sa lungsod at itinuro ring responsable sa pag-carnap ng dalawang motorsiklo.
Nanlaban umano si si Alsagan nang napansin na isang pulis ang binentahan ng shabu sa halaga na P500 kaya nauwi sa engkwentro ang operasyon sa isang bar sa Purok Stela Maris, Barangay Tambler.
Isinugod pa ito sa pagamutan ngunit idineklarang dead on arrival.
