Inasahan na umano ng grupong PDP-Laban o Partido Demokratiko Pilipino ang naging desisyon ng International Criminal Court patungkol sa pansamantalang kalayaan ni former Pres. Rodrigo Roa Duterte.
Sa ibinahaging opisyal na pahayag ng grupo, ibinahagi ni Deputy Spokesperson Atty. Ferdinand S. Topacio ang kanilang naging sentimyento.
Bagama’t positibo anila sila noong una, hindi maitatanggi na kanila na rin naman ng inasahan ang mangyayari bago pa man isapubliko ito ng korte.
Aniya’y pinaghandaan na nila ito sa naganap na prayer vigil na nag-umpisa dalawang araw nakalilipas kung kaya’t inasahan na ang hindi pabor na desisyon.
Naniniwala sila na ginagamit lamang raw ang isyu o kasong kinakaharap ni dating Pangulong Duterte para ilihis atensyon ng publiko sa malalang korapsyon sa bansa.
Sa kabila nito, umaasa at nananalangin ang grupo para pumabor na rin sa kanila o kay Duterte ang mga desisyon at sitwasyon sa International Criminal Court.
