Mahigit 1-K na health facilities sa Ukraine nasira dahil sa atake ng Russia

Nasa mahigit 1,000 mga mga pang-aatake sa mga health care systems ang naitala sa Ukraine.

Ayon sa World Health Organization (WHO) na ito na ang pinakamaraming naitalang pag-aatake sa mga health care systems mula ng lusubin ng Russia ang Ukraine.

May malaking epekto ang nasabing pag-aatake sa mga health care facilities dahil apektado ang pagpapagamot ng mga biktima ganun din ang operasyon ng mga ambulansya.

Ikinalungkot din ng WHO na dahil sa pag-atake ay mayroong mahigit 100 mga health workers na ang nasawi.

Ang pag-atake sa mga health care ay malinaw na paglabag sa international humanitarian law.

Magugunitang noong nakaraang linggo ay nagpasa ng resolusyon ang WHO na nag-aatas sa Russia na tigilan na ang pag-atake sa mga pagamutan sa Ukraine.