Tiniyak ni Kim Chiu sa kanyang mga fans na siya ay ligtas matapos bumalik sa Maynila ang sinasakyang Philippine Airlines flight papuntang Surigao del Sur noong Miyerkules, Hulyo 9, dahil sa technical problem.
Sa kanyang Instagram Stories sinabi ni Kim na ito ang kanyang nakakatakot na karanasan kung saan inalala niyang naghahanap pa siya ng upuang 11A—ang sinasabing “safest seat” ayon sa ilang ulat sa internet, kaugnay ng mga nakaligtas sa mga naunang plane crash.
Ayon kay Kim, lumipad ang kanilang flight bandang alas-5 ng umaga, ngunit ilang minuto lamang matapos ang take-off ay inianunsyo ng piloto na kailangan nilang bumalik ng Maynila.
“Nagpapanic na ako nang bahagya noon pa man kasi may crew na labas-masok sa flight deck,” kwento ni Kim.
“Tinangka kong matulog para kumalma, pero paggising ko nasa lupa pa rin kami. Kung ano-anong iniisip ko.”
“Habang pabalik kami sa ere, nagdasal na lang ako. Pero salamat sa Diyos at ligtas kaming nakabalik sa Maynila,” aniya.
Dagdag pa niya, ang karanasang ito ay nagsilbing paalala na hindi dapat nagdudulot ng pag-aalinlangan ang kaligtasan.
Sa sumunod niyang post, ibinalita ni Kim na ligtas na silang nakarating sa Surigao del Sur kasama ang ka-loveteam na si Paulo Avelino upang dumalo sa isang event.
