Tahasang kinondena ng kampo ni Catriona Magnayon Gray ang sinasabing pagkalat ng topless photo ng 2018 Miss Universe.
Sa statement ng Cornerstone Entertainment na may hawak sa career ni Gray, tinawag nilang “fake” ang naturang larawan na layunin lamang dungisan ang pangalan ng pang-apat na Pinay Miss Universe.
“We strongly denounce this vicious attempt to tarnish the good name of Ms. Gray,” ani Atty. Joji Alonso na siyang legal counsel ni Gray.
Sa ngayon ay wala pang direktang komento mula sa 26-year-old half Australian beauty na tubong Bicol.
Dedma lang din si Cat sa mga patutsada ng Fil-German actor at kanyang dating boyfriend na si Clint Bondad nitong mga nakaraang araw kung saan nagbanta pa ito na mayroon daw isisiwalat.
Duda ng mga netizens, hindi pa talaga naka-move on si Bondat sa anim na taong relasyon nila ni Gray na ngayon ay may bago nang pag-ibig.
Ito ay sa piling ng 10 years older sa kanya na si Sam Milby.
