‘Isinampang kaso sa akin ni ex-Philhealth President Morales, panggigipit lang’ – whistleblower

Naniniwala ang whistleblower ng katiwalian sa Philhealth na isang panggigipit lamang ang hakbang ni dating Philhealth chief na si Ricardo Morales matapos itong sampahan ng kasong cyberlibel.

Sa panayam ng Bombo Radyo Philippines kay Atty. Thorrson Montes Keith, sinabi nitong posibleng ang pagdawit niya sa pangalan ni Morales ang dahilan ng pagsasampa nito ng kaso.

Gayunman, nakahanda naman daw niyang harapin ang mga kasong isinampa sa kanya ni Morales.

Kahapon nang kasuhan ni Morales si Keith ng cyberlibel sa Taguig Regional Trial Court (RTC).

Iginiit ni Morales na dahil sa kanyang alegasyon sa katiwalian sa Philhealth ay nakakaapekto sa kanya at ng kanyang pamilya.