Tacko Fall, balik NBA matapos mapasama sa training camp ng 76ers

Muling nagkaroon ng pagkakataong makabalik sa NBA si Tacko Fall matapos siyang mapasama sa training camp ng Philadelphia 76ers.
Inanunsyo ng 76ers nitong Martes ang pagkuha kay Fall, bilang bahagi ng kanilang training camp roster.

Huling naglaro sa NBA ang 7-foot-6 na si Fall para sa Cleveland Cavaliers noong 2021-22 season. Bago nito, naglaro siya para sa Boston Celtics.

Matapos ang kaniyang huling season sa NBA, nagpatuloy si Fall sa paglalaro sa ibang bansa. Kabilang sa kaniyang mga pinaglaruan ang mga liga sa China at New Zealand.

Sa nakalipas na apat na taon, nag-average siya ng 11.2 puntos, 7.2 rebounds at 2.1 blocks sa 18.1 minuto kada laro.
Sa NBA, nakapaglaro si Fall sa kabuuang 37 laro para sa Celtics at Cavaliers. May averages siyang 2.2 puntos at 2.4 rebounds bawat laro sa kaniyang NBA career.

Hindi pa garantisado ang puwesto ni Fall sa final roster ng Philadelphia dahil kailangan muna niyang makasabay sa training camp at makuha ang isa sa mga available na roster spots.

Ang pagbabalik ni Fall ay muling nagbubukas ng pagkakataon para sa dating undrafted center na makapaglaro sa NBA matapos ang ilang taong paglalaro sa international leagues.