Higit 80 medical societies o grupo ng medical professionals ang umapela kay Pangulong Rodrigo Duterte para ibalik sa enhanced community quarantine (ECQ) ang estado ng National Capital Region (NCR) sa loob ng dalawang linggo.
Ito’y sa gitna ng patuloy na paglobo ng mga kaso ng COVID-19 sa bansa, at pagka-puno ng mga ospital sa Metro Manila dahil sa mga hinahawakang pasyente ng coronavirus disease.
Sa isang liham, sinabi ni Dr. Mario Panaligan, presidente ng Philippine College of Physicians, na kailangan na talaga nang mas komprehensibo at tiyak na plano laban sa COVID-19.
Tinawag na “time out” ni Panaligan ang apela ng kanilang sektor, dahil marami na rin mula sa hanay ng health care workers ang tinamaan ng COVID-19.
“Our healthcare workers are falling ill as they take care of patients, responding to the call of duty while battling with fear and anxiety COVID-19 brings.”
“Our healthcare workers are burnt out with the seemingly endless number of patients trooping to our hospitals for emergency care and admission.”
Ilan sa mga problemang kailangan daw tugunan at gawan ng kongkretong plano ng pamahalaan ay ang:
-Kakulangan ng hospital workforce
-Pagbabawal sa rapid antibody tests at pagbibigay ng sapat na isolation facility sa confirmed cases
-Pagkabigo sa contact tracing at paggamit ng non-uniformed personnel sa pagpapatupad ng mga guidelines
-Ligtas na transportasyon tulad ng bike lanes at paggawad ng service contracting sa mga tsuper
-Pagsisiguro na natutupad sa mga opisina ang health standards
-Pagbibigay ng tulong o livelihood sa health sector na maaapektuhan ng “time out.”
Nababahala ang medical groups na kung magpapatuloy ang pagluluwag ng community quarantine measures ay posibleng lumala ang sitwasyon ng COVID-19 sa bansa.
Binabago raw kasi nito ang perception o pananaw ng publiko sa sitwasyon na baka mas bumubuti na.
“The progressive decline in compliance will push us to the brink to become the next New York City, where COVID-19 patients die at home or in stretchers, unable to find vaccines.”
“The first line of defens is the public, so people need to be reminded that we need to use masks and face shields, wash hands and practive social and physical distancing — now more than ever.”
Samantala, pinuna ng medical groups ang desisyon ng Department of Trade and Industry na pagbabalik operasyon ng ilan pang establisyemento tulad ng gyms, internet cafes at drive-in cinemas simula August 1.
“We understand that imposing an enhanced community quarantine is a complex decision. Through health may be just one dimension, let us remember that we need healthy people to reinvigorate our economy.”
Sa huli, binigyang diin ni Dr. Panaligan sa liham na kung hindi pa agad aaksyunan ng pamahalaan ang kanilang apela ay maaaring mauwi sa nakakatakot na sitwasyon ng bansa dahil sa COVID-19.
“The health sector cannot hold the line for much longer. Our health care workers should not bear the burden of deciding who lives and who dies. If the health system collapses, it is ultimately our poor who are most compromised.”
