Mahigit 600,000 pamilya ang inaasahang makikinabang sa isang buwang moratorium sa monthly amortization sa housing loan.
Ito ay bilang bahagi ng programa ng gobyerno para maibsan ang kanilang pasanin sa gitna ng masamang epekto ng sunod-sunod kalamidad na tumama sa bansa nitong mga nakaraang araw.
Sinabi ni Department of Human Settlements and Urban Development (DHSUD) Secretary Jose Ramon Aliling na 500,000 kabahayan mula sa National Housing Authority (NHA) ang makikinabang sa isang buwang moratorium na ipapataw ngayong Agosto habang 34,622 pamilya ang bibigyan din ng isang buwang moratorium sa pagbabayad sa ilalim ng National Home Mortgage Finance Corporation (NHMFC).
Mahigit 148,000 pamilya aniya na ang mga tahanan at kabuhayan ay lubhang naapektuhan ng mga nagdaang bagyo at ang pinalakas na habagat (habagat) ang makikinabang sa moratorium mula sa Social Housing Finance Corporation (SHFC).
Pero sinabi ng opisyal na hindi automatic ang one month moratorium ng Home Development Mutual Fund o Pag-IBIG Fund para mabigyan ng option ang mga miyembrong ayaw mag-avail.
Ang mga mag-a-avail, aniya, ay kailangang mag-apply sa mga branches ng Pag-IBIG.
Bukod sa mga moratorium sa pagbabayad, naghahanda na ang DHSUD na maghatid ng post disaster assistance sa pamamagitan ng Integrated Disaster Shelter Assistance Program (IDSAP) nito sa malapit na koordinasyon sa mga local government units.
