Nasilat ng Detroit Pistons ang defending champion na Golden State Warriors sa kalamangan na 14 points na nagtapos sa score na 128-114.
Nakapagtala ng 23 points, 10 rebounds at nine assists ang star player ng Pistons na si Sean Cunningham para tuluyang makuha ang ikalawang panalo pa lamang .
Habang nasayang naman ang pagpapakitang gilas ni NBA superstar Stephen Curry dahil ito na ang kanilang ika-apat na talo nang magsimula ang bagong NBA season.
Samantala, nagwagi din naman ang Dallas Mavericks kontra sa katunggali nitong Orlando Magic sa kabuuang score na 114-105.
Namayagpag muli ang top performer ng Mavericks na si Luka Doncic nang magbuhos ito ng 44 points at three rebounds para ipahiya ang kalabang Magic.
Ito na ang ikatlong panalo ng Mavs, habang nasadlak lalo sa anim na talo na ang Orlando. (with reports from Bombo Allaiza Eclarinal)
