Inabisuhan ngayon ng NBA ang 28 mga NBA cities na magpatupad ng dagdag na COVID tests matapos na magpositibo ang 16 na mga players.
Sa pinaikot na memo ng liga, hiniling sa mga teams na humanap din ng local testing centers kung saan gaganapin ang mga laro.
Hangad ng NBA na makahanap ang mga team ng local testing providers sa loob ng dalawang araw.
Dapat din daw ang local provider ay merong polymerase chain reaction (PCR) tests na kayang makapag-test ng 40 mga players, staff at referees at makapagbigay ng results, isang oras bago ang laro.
Batay sa umiiral na patakaran ngayon, dapat ang isang player ay negatibo sa PCR test isang araw bago ang laro, at negative din sa rapid test sa umaga ng araw ng laro.
Sa ngayon nasa siyam na games na ang kinansela ng NBA dahil sa pag-quarantine sa ilang mga players.
