Canberra, Australia inilagay sa 1 linggong lockdown

Iniligay sa one-week lockdown ang Australian capital na Canberra.

Ipinatupad ng mga otoridad ang nasabing hakbang matapos na magtala sila ng isang kaso ng Delta variant ng COVID-19.

Papayagan lamang makalabas ang mga residente kapag sila ay may bibilhin na essential goods gaya ng pagkain at gamot.

Ilang oras bago ang lockdown ay dinagsa ng mga tao ang halos lahat ng mga pamilihan.

Nauna ng nagpatupad ng lockdown ang Sydney at Melbourne dahil sa Delta variant.