KORONADAL CITY – Umabot sa mahigit 60 pamilya sa Brgy. New Iloilo, Tantangan, South Cotabato ang apektado ng pananalasa ng baha.
Ito ang kinumpirma ni Tantangan Municipal Disaster Risk Reduction and Management Council (MDRRMC) Action Officer Michael Lester Tomanan.
Ayon kay Tomanan, lubos na naapektuhan ng baha sa dalawang mga purok ng New Iloilo na nasa gilid lamang ng sapa.
Kasabay nito, nanawagan si Tomanan sa Barangay Chairman ng New Iloilo na pulungin ang mga binahang residente.
Ito ay upang pag-usapan ang mga dapat gawin para mapigilan ang mga pagbaha sa kanilang lugar.
Inirekomenda naman ni Tomanan ang pagsasagawa ng dredging sa may sapa at paglalagay ng sandbag sa pampang nito lalo na malapit sa mga bahay upang maiwasan ang pagbaha sa tuwing bumuhos ang malakas na ulan.
