DAVAO CITY – Kasalukuyan nang naka-isolate si Mayor Eutropio Jayectin ng Montevista, Davao de Oro.
Ito’y matapos kinumpirma nito na nagpositibo ito sa Coronavirus Disease (COVID), pati na ang maybahay at ang kanilang anak.
Inihayag ni Mayor Jayectin na kahit pa man nagpositibo sila, patuloy pa rin silang nakakatanggap ng kritisismo partikular na sa kalaban nito sa politika.
Nabatid na nagpositibo rin sa deadly COVID ang kanyang asawa at anak na lalaki noong Oktubre 27, ilang araw matapos dumalo sa isang programa na isinagawa sa sports complex at iba pang mga aktibidad na nilahukan.
Samantala, makakaasa aniya na mapanatiling normal ang operasyon ng munisipyo upang mabigyan ng serbisyo ang mga tao ng kanyang munisipalidad.
Gayunman, hinihikayat nito ang mga empleyado ng lungsod na sumailalim sa self quarantine habang dini-disinfect ang Municipal Hall.
