4 na magkakaanak natagpuang patay matapos dukutin

Patay na ng matagpuan ang apat na miyembro ng isang pamilya sa California dalawang araw matapos na sila ay dukutin.

Kabilang sa nasawi ang walong buwang gulang na batang babae at magulang nito na sina Jasleen Kaur at Jasdeep Singh at tiyuhin nito na si Amandeep Singh.

Nakita ang mga ito sa isang sakahan sa Merced County, California.

Naaresto naman ng mga kapulisan ang suspek na kinilalang si Jesus Manuel Salgado, 48-anyos.

Base sa CCTV na tinutukan ng suspek ang mga biktima sa kanilang trucking business sa pagitan ng Modesto at Fresno sa Central California.

Inamin ng suspek ang kaniyang ginawang krimen at inaalam pa ng mga otoridad ang motibo nito sa krimen.