Ginulat halos ng Cape Verde ang fans ng 2026 FIFA World Cup matapos magtabla sa iskor na 0-0 kontra football powerhouse na Spain sa Group H match nitong Lunes (araw sa Amerika).
Dahil inaasahang madali lamang para sa Spain ang laban kontra Cape Verde na nasa ika-64 na puwesto at unang beses pa lamang na sumali sa World Cup.
Gayunpaman, kabaligtaran ang nangyari sa aktuwal na laban.
Bagama’t dominado ng Spain ang paghawak ng bola at lumikha ng mas maraming pagkakataon para maka goal, hindi nila nagawang makalusot sa matatag na depensa ng Cape Verde.
Naging pangunahing bida ng laban ang beteranong goalkeeper na si Vozinha, 40 taong gulang, matapos ang pitong magagandang saves na nagpanatili ng clean sheet para sa kanyang koponan. Kabilang dito ang pagharang sa mga tira nina Ferran Torres at Aymeric Laporte.
Sa kabuuan, umabot sa 74% ang possession ng Spain at nagtala sila ng 2.29 expected goals (xG), ngunit nanatiling matibay ang depensa ng Cape Verde na halos hindi nabigo sa kanilang taktika sa laro.
Para sa Cape Verde, sapat na ang isang shot on target at disiplinadong depensa upang makuha ang makasaysayang resulta laban sa isa sa pinakamalakas na koponan sa mundo.
