-- Advertisements --
CAUAYAN CITY- Naitala nitong Linggo sa Isabela ang 12 panibagong kaso ng COVID-19.
Sa inilabas na abiso ng pamahalaang panlalawigan, 4 ang mga bagong kaso ay mula sa lunsod ng Ilagan, 2 sa Reina Mercedes tig-sa sa mga bayan ng Roxas, San Mariano at Santiago City habang ang ilan ay naitala sa Cauayan City
Magandang balita naman dahil 33 ang naidagdag sa mga gumaling kaya bumaba pa sa 288 ang aktibong kaso sa Isabela.
Apat ang Returning Overseas Filipinos, 6 ang non-authorized persons outside residence, 30 ang Health Worker, 5 ang pulis at 243 ang mula sa local transmission.
Muling pinaalalahanan ng pamahalaang panlalawigan ang publiko na sundin ang mga alituntunin at huwag lumabas sa tahanan kung hindi mahalaga ang pupuntahan.
