Zamboanga, niyanig ng 4.3 magnitude na lindol – Phivolcs

Niyanig ng 4.3 magnitude na lindol ang ilang bahagi ng Zamboanga nitong umaga ng Huwebes.

Ayon sa ulat ng Phivolcs, naitala ito kaninang alas-10:20.

Natukoy ang lokasyon nito sa layong 32 km sa timog kanluran ng Siocon, Zamboanga del Norte.

May lalim itong 54 kilometro at tectonic ang pinagmulan.

Narito ang mga naitalang intensity:

Intensity IV – Siocon, Kalawit, and Baliguian, Zamboanga del Norte
Intensity III – Labason, Zamboanga del Norte; Zamboanga City
Intensity II – Liloy, Zamboanga del Norte
Intensity I – Ipil, Zamboanga Sibugay

Instrumental Intensity:
Intensity I – Zamboanga City