Tahasang pinuna ni Department of Foreign Affairs (DFA) Sec. Teodoro Locsin Jr. ang mga opisyal ng United Nations (UN) dahil sa mga hakbang nito na kumu-kwestyon sa war on drugs campaign ng Pilipinas.
Sa pagdalo ni Locsin sa High-Level Week General Debate ng 74th Session ng UN General Assembly, dinepensahan nito ang kontrobersyal na kampanya ng administrasyong Duterte.
Ayon kay Locsin, walang karapatan ang international body na pakialaman ang istilo ng pamahalaan sa pagpo-protekta sa mga mamamayan nito.
“That may cause dismay among the civil in society; civil society is free to complain. Better yet, they should run for public office to gain legitimacy and be able to do something about it. But the UN is not free to interfere with the state in its defining function of protecting its citizens and stamping out threats,” ani Locsin.
Hinamon din nito ang mga kritiko ng anti-drug campaign na tumakbo sa pampublikong opisina at gumawa ng solusyon sa naturang issue.
Kung maaalala, sinuportahan ng maraming bansa ang resolusyon ng Iceland kamakailan na nais ipasilip sa UN ang mga posibleng paglabag ng gobyerno kasunod ng war on drugs campaign.
Aminado si Locsin na hati ang opinyon ng mga Pilipino sa kampanya ng pamahalaan, pero wala raw sa kamay ng UN ang desisyon para ihinto o harangin ito.
“Some in the rest of the world may not like the electoral result, but the people back home are happy with their choice. It is theirs to make; and regret; but it is not the UN’s to decide.”
“The next election may change it more to one’s liking…or not. Still we are warned of states eroding multilateralism by each one asserting ‘too much sovereignty.’ But in what respect? Perhaps by insisting on carrying out a state’s defining duty: to protect its population
against harm by any means efficient to achieve that purpose.”
Iginiit din nito na problema sa iligal na droga ang isa sa mga rason kaya mayorya ng mga Pilipino ang bumoto kay Duterte noong 2016 elections.
“But drugs is the reason my government was elected by a landslide; a mandate that has only grown to 80 percent because of unceasing criticism. In defending it, the public now own it.”
