Dinepensahan ni National Task Force against COVID-19 chief implementer Sec. Carlito Galvez ang appointment sa kanya ni Pangulong Rodrigo Duterte bilang vaccine czar.
Pahayag ito ng ospiyal sa gitna ng mga kwestyon tungkol sa kredebilidad ng pagkakapili sa kanya para mamuno sa mga hakbang kaugnay ng pagbabakuna laban sa COVID-19.
“Noong nagusap kami (Duterte) sinabi niya ‘siguro Charlie ikaw naman ang chief implementer (ng NTF) dire-diretsuhin mo na para magtulong kayo ni Sec. (Francisco) Duque na maayos itong vaccine natin,'” ani Galvez sa media forum.
Makakasama naman daw ng opisyal ang kalihim ng Department of Health (DOH) sa implementation ng pagbabakuna ng mga Pilipino sa COVID-19.
Magugunitang sinabi ni Presidential spokesperson Harry Roque na kabilang ang kasanayan ni Galvez sa logistics sa rason kung bakit napili siya ng pangulo na maging vaccine czar.
“Ang arrangement ay tutulungan ko lang si Sec. Duque na mag-intergrate, mag-synchronize, at sa mga logistics dahil naiintindihan ng ating presidente na napakaraming ginagawa ng ating secretary (for health).”
APPOINTED CZAR’S
Nilinaw naman ni Sec. Duque na hindi niya tinatakasan ang kanyang mga tungkulin sa COVID-19 response, sa kabila ng appointment ng presidente sa iba’t-ibang czar.
“It’s not really about control, but seamless coordination and integration of efforts. No one person can be able to lead in the response to the COVID-19 pandemic,” ani Duque.
Kung maaalala, pinili ng president na maging testing czar si Bases Conversion and Development Authority president Vince Dizon, contact tracing czar si Baguio City Mayor Benjamin Magalong, treatment czar si DOH Usec. Leopoldo Vega, at isolation czar si DPWH Sec. Mark Villar.
“The fact that these people have proven themselves, their competencies, their long track record of successfully managing many programs and that is why the IATF had been unanimous in recommending (them) to the president.”
Binigyang diin ng Health chief na layunin ng pagtatalaga sa mga opisyal na ipamalas ang “whole of government approach,” kung saan hindi lang isang opisina ang kumikilos sa responde.
Para kay Sec. Duque malaking tulong ang appointed officials para matutukan ang iba’t-ibang stratehiya na ginagawa ng pamahalaan kontra pagkalat ng COVID-19.
“Now because all of our preparations for the past month we have ramped up our health systems capacity.”
