UST face-to-face classes, sinimulan na ngayong araw

Mahigpit ang pagbabantay ng University of Santo Tomas (UST) sa pagsisimula ng faculty of medicine and surgery sa kanilang limitadong face-to-face classes.

Ang face to face na pasok ay tatagal ng isang buwan o hanggang Hulyo 10, 2021.

Tiniyak ni Clinical Clerks Council President Michael Cuevas na nakahanda sila upang masiguro na ligtas ang pagsasagawa ng on site classes.

Kabilang sa preparation process ang pagpapabakuna ng mga clinical clerks bago dumalo sa face to face classes at pagsunod sa health guidlines na ipinapatupad ng gobyerno at dagdag na paghihigpit sa mismong kolehiyo.

Nabatid na una nang pinayagan ng CHED ang on site clerkship para sa mga magtatapos na medical students sa ilang pamantasan sa bansa.